السلام عليكم ورحمة الله وبركاته
كيف حالكم شخباركم اتمنى تكون بالف خير اليوم بتكلم عن شي اذا صار تصير من مصحصح ومافيك نوم نفس اللي صادف يوم خميس تشوف نفسك مصحصح
في الليل الجو بارد وانت جالس تجهز الكتب استعداد لبكره عشان المدرسه وخلصت مذاكره وحليت الواجبات وتروح تتعشى والنوم صاك الراس تطالع الساعه والا وهي قريب العشر تروح تنسدح وتنام والفجر يجي الوالد يصحيك عشان صلاة الفجر لو ماتقوم بتحصل رفسه محترمه او بالزبيريره انت تقوم وماتدري وش صار برا وتصلي وترجع تنام شوي بعدها تحس بشي غريب الوالد ماجا تقوم وتشوف اخوانك بعد نايمين تطلع من الغرفه وتشوف الوالد والوالده حفظهم الله يطالعون فيك يقولون ارجع كمل نومك مافي مدرسه اليوم الشوارع غرقانه مطر وانت بسرعه تروح تطلع برا وتشوف صج الشارع غرقان ماي والأجواء مطر وبرد وهذا غير صوت الرعد مع البرق 🌩 🌩 🌩 ورجع يسقط المطر 🌧 🌧 🌧 مره ثانيه بغزاره وهنا يصير عندك الحماس اوب فوق وتروح تفطر بخصم مع حليب او اللي جايب الوالد يا خبز تميس او خبز من البقاله بعد ماتخلص فطور تروح المجلس اللي فيه السوني طبعا المجلس اللي تحت ممنوع تجلس فيه وانت تصعد الدرج ولا تدري وش تلعب اليوم هل ترجع تتصارع مع النميسس اللي سطرك تسطر ومسح فيك الارض ولا كراش بنديكوت ولا داينو كراسيس ٢ ولا تقول على هالصوت الزين صوت المطر 🌧 🌧 لازم ميدال اوف هونر عاد ذي تكفي الموسيقى وتبدء تشغل تجيك شاشه السوني البيضاء
وبعدها شعار السوني في الشاشة السوده
هنا انت العظمه لانه محد بيقولك قم ذاكر او حل واجباتك او اطلع برا مافي انت هنا ملك اليوم وانت تعتبره افضل يوم عندك
وفي ختام هالذكرى الدافية، ما نقول إلا يا زينها من أيام.. يوم كان أكبر طموحنا الشارع يغرق مطر عشان تلتغي المدرسة، وأكبر انتصار هو تشغيلة السوني 1 البيضاء والسوداء وأنت ماسك كاسة الحليب والتميس الحار.
ذاك الشعور بالأمان، وصوت المطر والبرق برا، والموسيقى الأسطورية لحرب "ميدال أوف هونر" شغالة في المجلس.. هذي اللحظات هي العظمة الحقيقية اللي انحفرت في قلوبنا وعمرها ما بتتكرر ولا بتنمحي من الذاكرة.
الله يديم عليك ه الذكريات الجميلة والبال الرايق، ونشوفك على خير في قعدة نوستالجيا ثانية يا ملك الجيل الذهبي!
والى هنا ختام المدونة نستودعكم الله والسلام عليكم ورحمة الله وبركاته في امان الله
