السلام عليكم ورحمة الله وبركاته
شلونكم شخباركم
قبل لا نبدء هل صليتوا على النبي
تخيل معي هذا الموقف اللي أكيد مر عليك: جالس في غرفتك، مروق، ومستمتع بالسيت أب الجبار حقك، الإضاءة خافتة والبينغ في أروع حالاته. وفجأة... يرن جوالك.
أحد الشباب من الشلة يتصل ويقول لك بـحماس: "يا وحش، وينك؟ ما ودك تجي المجلس؟ كل الشباب فزوا وجابوا أجهزتهم الحين، والجمعة صايرة طحن وحماس مو طبيعي!"
أنت هنا تفرح بالجمعة، لكن تلتفت يمين ويسار وتطالع الشاشة، الكيس الثقيل، الأسلاك المتشابكة، الكيبورد، والماوس.. وتقول في نفسك: "أنا عشان أشيل عدتي هذي وأروح للمجلس، يبي لي سيارة نقل عفش!"
الحل للي "معهم قروش" ويبون الفخامة والتنقل
هنا بالضبط يشغل المخ الجيمر الذكي على حل يجمعه مع الشلة بدون ما يضحي بأداء الـ PC الخارق. والحل أكيد هو: لابتوب ألعاب (Gaming Laptop) من فئة الوحوش!
إي نعم، نحن نتكلم عن الأجهزة القوية اللي تعطيك فريمات طيارة وسلاسة خرافية في أثقل ألعاب الأونلاين والتختيم. وإذا تبي التوب وتدور على الأداء اللي ما فيه أي مساومة، فـي انواع كثيره منها هي اللي بتعطيك عضلات الـ PC الكاملة بوزن خفيف.
وش فايدته؟ تقدر تقفل جهازك بـ ثانية، تحطه في شنطة اللابتوب الظهر مع يد التحكم حقتك، وتركب سيارتك وتنزل للمجلس كأنك رايح كافيه! حرية كاملة وأداء جبار في نفس الوقت وطبعا في أنواع كثيره بس انت اللي عليك تختار بس لاغير وكلهم يقولون الزين عندي
الضلع الناقص: كيف تلعب أونلاين بدون "لاق" في جمعة الشلة؟ 🌐
لكن لحظة! لو أنت راعي أونلاين وتطحن ألعاب شوتر أو كورة، بتواجهك مشكلة ثانية في المجالس: "النت يقطع" أو "الكل شابك على نفس المودم والبينغ واصل ألف!".
عشان تقفل اللعبة وتصير ملك الجلسة، في شيء ناقص مستحيل تستغني عنه في شنطتك: راوتر متنقل 5G ذكي وسريع.
بدل ما تترجى راعي المجلس يعطيك الباسورد وتشارك 10 أشخاص في الاتصال، اسحب من شنطتك راوتر وحش وحيل العب والاتصال حقك ملكك
لما تطلع الراوتر المتنقل الخاص بك وتشبكه على اللابتوب (سواء بـ الواي فاي أو بكيبل الإيثرنت مباشرة لسرعة خرافية)، أنت كذا أمنت لنفسك اتصالاً مستقلاً، سريعاً، وبينغ ثابت وثقيل، يخليك تطحن الشباب في المجلس وتفوز عليهم وهم يعانون من اللاق والتنصيب.
الزبدة روح اشتر لك زبده هههه خلاص امزح ماعيدها اتوب
الجمعة حلاتها بالبساطة والروقان. بشنطة واحدة فيها لابتوب الوحوش وراوتر الـ 5G، صار السيت أب الجبار معك وين ما رحت.. المجلس، الاستراحة، أو السفر وماندري يمكن تحب في مكان مفتوح نفس مايقولون في الهواء الطلق
شاركونا في تعليقاتكم وين الأفضل اللعب في الغرفه ولا برا في الهواء الطلق
وفي الختام
نستودعكم الله
والسلام عليكم ورحمة الله وبركاته
