السلام عليكم ورحمة الله وبركاته
يا أساطير الجيل الذهبي والجيل الحيل شخباركم
جماعة الربع، اليوم نبي نتكلم عن "نوعية" من البشر... قسماً بالله ما تدري هو صدق بني آدم مثلنا وعنده مشاعر، ولا هو مروّق لدرجة إن الشرايين عنده متبدلة بأسلاك باردة! هذا الشخص اللي يخليك تقعد تطالع فيه وأنت فاتح فمك وتقول: "أنت وش تآكل؟ وش تشرب؟ عطنا من اللي عندك يرحم والديك!" 😂
هذا المخلوق، مروق على الآخر.. مروق لدرجة تستفزك وأنت تتابعه!
سيناريو من كوكب "الروقان الأزلي":
تدخل معاه قيم، تشوفه يتسطر، يتصفع، يندعس، والـ K/D حقه ينزل تحت الأرض، والشاشة تدور حمراء من كثر الموت! أنت كـ "قيمر عصبي" طبيعي تبي تموت من القهر، ودك تمسك اليد وتصقعها بأقرب جدار. تلتفت عليه تبي تشوف ردة فعله؟ تلقاه يبتسم بكل برود، وبكل هدوء يضغط زير ويردد: "أعد.. لاهنت"! هاه؟ أعد؟! يبوي أنت ميت للمرة المليون! 💀😂
طيب، عاكس السيناريو.. دخل على "زعيم" من ذوليك اللي يكرهونك في حياتك في ألعاب السولز. يجلد الزعيم ويسدحه من أول محاولة. هنا المفروض يصارخ، يقول "YES"، يفجر الحارة من الحماس، صح؟ لاااااا، الأخ يضحك ضحكة خفيفة، ويكمل طريقه باللعبة وكأنه مسوي شاهي ديرم!
التسطير الجماعي وضحكة "سعة الصدر"
تعال شوفه عاد في ألعاب القتال مثل (تكن - Tekken). الشباب متجمعين في الاستراحة، وفيه واحد جالس "يمسح فيه البلاط" كومبو ورا كومبو، والكل في الغرفة يضحكون عليه ويطقطقون. الشخص الطبيعي وجهه بيقلب أحمر ويزعل، لكن صاحبنا؟ يضحك معاهم من قلب ويقول: "وربي لقطة خرافية كيف جبتها؟" يا كبر قلبك يا شيخ! 🎮❤️
أما الجلسة حقته؟ هذي بروحها قصة! لا يتصلب، ولا يتوجع، ولا تلاقيه يقرب من الشاشة إذا حمس الجيم، ولا يغير وضعيته كل خمس دقايق. يثبت على قعدته من بداية السهرة لين نهايتها وكأنه تمثال بوذا للروقان!
الفلسفة الرهيبة: "عشان لعبة؟"
لو جيت وسألته بقمة حيرتك: "يا ابن الحلال، أنت ليه ما تنفعل؟ ليه ما تتحمس وتصارخ مثلنا؟"
بيطالع فيك بنظرة باردة ويقول لك الكلمة اللي تجلطك: "على ايش أنفعل؟ صدق.. ليه؟ عشان لعبة؟ طيب وإذا صار فيني شيء وضغط دمي ارتفع، منو ينفعني وقتها؟"
وربي إنه صادق، وجلدنا في منتصف الجبهة! هههههههههههههههههههههههههه
لكن تدري وين الصدمة؟ هذا الإنسان اللي تشوفه زاهد في الحياة، روح مر صوب غرفته وافتح الباب.. واااااو! بتشوف "سيت أب" (Setup) مخيف! إضاءة هادية، ترتيب خيالي، يفتح النفس ويهدّي الأعصاب. وحتى لو كان إنسان بسيط وما عنده في الغرفة إلا شاشة وبلاستيشن 5 (PS5)، تلاقي الطاولة ممسوحة، الأسلاك مخفية، وأموره تمام التمام وبأعلى درجات الأناقة والهدوء.
(بيننا وبينكم يا شباب، الروقان هذا ما يجي من فراغ.. شكل السيت أب المرتب والإضاءة الهدّّامة هي السر اللي تخلي أعصابك حديد وما تنفعل، فـ إذا ودك تصير مثله، ابدأ رتب غرفتك وسيت أبك أول) 😉🤫
الختام
في النهاية، هذا النوع من البشر عملة نادرة في مجتمع الجيمينج، وجودهم في التيم يهدّي اللعب ويخليك تحس إن الدنيا لسه بخير واللعب وناسة وسعة صدر وبس. الله يكثر من أمثالهم،
وفي نهاية المدونه
اتمنى انكم استمتعم ولنا لقاء قريب
دمتم في حفظ الرحمن
