هروب بروقان

 السلام عليكم ورحمة الله وبركاته 

اولا شي مساء الخير ولا صباح الخير 

وثاني شي اهم شي انتو بصحه وعافيه تبون ابدا اليوم ولا لا...اكيد راح ابدء ليه داخل انا

لما تكون راجع من المدرسه او من العمل والجو شتاء وبرد مع شوية مطر 🌧 🌧  تدخل البيت ترتاح تاكل لك شي وبعدها العقل يقولك اوب على المكان الروقان على المكان المفضل وين الى غرفتك اللي فيها احلى setup

 اي اكيد دافع فيه قروش مب اي شي...دخلت وجلست على ذاك الكرسي حق القميزر اوهه مريح هاه وتضغط على زر تشغيل البي سي وتشوف ذيك الاضواء تلمع مع الصوت ودك تقول اسمممممع تمسك اداة التحكم وعلى جنبك مشروبك الساخن عاد مادري عنك وش تفضل قهوه ولا شاي ولا مخربها حاط غوري شاي او دلة وتبي تبدء تلعب بس قبل لا تبلش

انت داخل تلعب وتغير مودك حلو حلو انتبه تعصب مهما صار 

دخلت تلعب واجهة الزعيم في طور الصعب وطخ طيخ وهو وراك بس يبي يصيدك ويعلمك شسوي فيك وانت ماقدرت تتمادى وطحت في ايده وسطرك تسطر هنا لا تعصب اضحك لانه مافي شي يستاهل عيد المحاوله مره ثانيه وكفخك تكفخ وصار GAME OVER 

هنا شنو راح تسوي بتعصب لا مب لازم خلاص عندك حلول اما تمخمخ وتشوف نقطة ضعفه او تغير تغير اللعبه GAMEاو هههه قم اطلع تمشى يعني شنو بتسوي بتكسر اليد التحكم قم اكسرها اقرب جدار ولا قم خذ مطرقة وحيل طيب وبعدين بترجع وبتدفع فلوس مره ثانيه ويمكن الSETUP اللي جاك ايام تعبان عليه يمكن متخصل مثله انا اقولك اهدء اوك لا تعصب اشرب لك بيالة شاي زين

طيب جيت يوم ثاني وقررت هالمرة تلعب أونلاين والمره لعبه حربيه ومن تواجهه احد مسكك الارض على طول ماخلوك تتنفس هذا عنده قناص وهذاك متربص لك من اللفه بس ينتظرك تجي هنا لا تنفعل بالعكس اضحك وانبسط لأنها تظل مجرد لعبه

واخيرا نجي حق لواحد من الشله قالك come here يعني مسوي فيها صاحبك يعرف انجليزي وهو مايعرف وش قال سواء لعبة معها Tekken يعني لعبة قتاليه او فيفا اي اصدار مادري عاد مب جالس معكم انا اشفيكم المهم اذا فاز عليك اقلب الطاوله عليه مب تروح تضربه لا توهقنا معك انت قصدي إذا تمسخر عليك مثلا شق وجهك ٤ مقابل صفر رد عليه قله ترى انا خليتك تفوز لانه الظاهر اللي قبلي نتف وجهك ههههه اضحك 

لو جينا حق لعبه قتاليه Tekken 

من كلمة Round 1 fight شفت لاعبك طاير في السماء ومانزل الا وجهه على التراب ماخالك تنفس حتى ماعطاك مجال تمد يدك بالعكس

 ارجع اضحك وانبسط وقله ترى جالس اسخن مابعد استعد

وفي اي لعبه مهما صار لا تعصب ولا شي روق ليه لانه انت جاي عشان تغير مودك وتضحك وتفرفش  وتذكر لما تبي تلعب العب بروقان وهشام بس تغير من نفسيتك لانه بعض البشر هرب من الواقع الحقيقي وراح عند الواقع الافتراضي او الرقمي اخ اشفيني تذكرت أبطال الديجيتال قلت عالم الرقمي هههه خلاص اتوب ماعيدها 

وفي الختام يا سادة اتمنى اني ماثقلت عليكم وصرت خفيف عليكم واذا صرت ثقيل عليكم اشرب ببسي ههههه لا لا خلاص بروح

دمتم في امان الله