السلام عليكم ورحمة الله وبركاته
شخباركم شلونكم قبل لا نبدء هل صليتوا على النبي الاعظم
اليوم بتكون المدونه خفيفة ولطيفة لطيفة ولا شريره ههههه خلاص امزح اتوب ماعيدها
خلاص بكتب عدل
خلونا نترك المزح على جنب ونكتب بجدية شوي ونتكلم عن مواقف واقعية تعيشنا جو ثاني.
لما تكون زهقان وتدخل غرفتك وتقفل عليك الباب، أول سؤال يطرح نفسه: أنت ليش داخل أساساً؟ أكيد عشان تغير جو، وتفصل عن هموم اليوم، وتستانس بشوية لعب وقيمينج يروق راسك. طيب، بما أننا قاعدين نلعب ونندمج، في كم نقطة أساسية وقوانين ذهبية أبي أقولها لك وتذكرها دايم.. لما تلعب وتندمج وتصير الحماسه في أقصاها، مهما صار: لا تعصب اوك انا اقولك ليه تابع القراه
لما تلعب وطخ وطيخ والزعيم يركض وراك بس يبي يصيدك ويعلمك شسوي فيك ونادتك الوالده او الوالد حفظهم الله شنو بتسوي ركز هاه ركزت ابد لا تتحلطم كانك عجوز او شايب يدور مشاكل ماعنده شغل وقف القيم ورح شوفهم يمكن محتاجينك في شي ومافي الا انت طيب القلب او يحبون شوفتك لانك مطيع لهم ولا تزعلهم عشان قيم ترا هم نور الحياه واللعبه بدالها الف لعبه واللعبه تبقى تافهه اذا زعلانهم
بس الوالدين مافي مثلهم الله يخليهم ويطول في اعمارهم ويبارك لنا فيهم ويجبر بخاطرهم مثل ما جبروا بخاطرنا.
نجي حق الشي الثاني شنهو بين قوسين
(الصلاه) يا غالي مهما كنت تلعب اي لعبه بحماس وشغف وانت موصل مكان بعيد وقربت من check point وسمعت صوت المنادي ينادي حي على الصلاة هنا قول للعبه stop وقف لعب على طول لا تقول اها عاد بس شوي لا الصلاه اهم لو وقفت هل راح تطير اللعبه لا بتوقف الحياه لا كل الي عليك تروح تتوضا وتصلي بخشوع...لانه مافي احلى من الصلاة في وقتها ولا تخلي شي يهليك عن الصلاه وأمور دينك والصلاة هي أساس السعادة والفلاح في الدارين دار الدنيا والآخرة
تدرون يا جماعة الخير؟ أحياناً الواحد يغفل عن هذي الأمور البسيطة من كثر ما هو مندمج في عالم الألعاب والشاشات، وينسى أن رضا الله ثم رضا الوالدين هو اللي يفتح أبواب التوفيق بوجهه في الدنيا والآخرة. تخيل نفسك فايز بكل المراحل ومختم أقوى الألعاب، بس مقصر مع أُمك أو أبوك.. وش تسوي ذيك اللحظة بالفلوس أو الإنجازات الوهمية؟ ولا شيء والله!
وعشان كذا، خلونا دائماً نتذكر إن الجيمينج هو وسيلة عشان نونس أنفسنا ونفصل عن ضغوط الحياة، مو غاية تخلينا نخسر أهم الأشخاص بحياتنا أو نتأخر عن أداء فرضنا. خل جوك دائماً رايق، ووازن بين هوايتك وبين دينك وبرك بأهلك، وصدقني بتشوف كيف البركة والراحة النفسية بتغطي يومك كله، وبتلعب وأنت مرتاح البال وضميرك مرتاح
وفي الختام
نستودعكم الله الذي لا تضيع ودائعه، ونتمنى أن تكون النصائح البسيطة خفيفة على قلوبكم وتذكرنا دوماً بالأولويات الصح في حياتنا.
دمتم في حفظ الرحمن ورعايته، ونشوفكم على خير في المقال الجاي!
