وصف الشعور

ذكريات العاب زمن الطيبين 

السلام عليكم 

كيف الحال

اليوم برجعكم الى الماضي الجميل اللي ممكن يفز قلبك ويحن وودك تلعب لو شوي صح يلا امشوا بس قبل جهزوا الشاي مع الحب الأسود يعني فص فص 

وانت داخل محل الألعاب العاب البلاستيشن وتقعد ترفرفر بين الاسطوانات وتطلع بوجهك ذي

كراش بنديكوت (Crash Bandicoot)

تطالع فيها وتقول شكلها ذي حماس تاخذها وتروح البيت وتشغله وهنا صج حماس المغامره وتشوفها ياكل تفاح على بالك نفس التفاح اللي عند السكري نصه وردي ونصه احمر لا طلع مب تفاح طلع شي ثاني طلع اخر شي اسمها وامبا شنو وامبا والله مادري 

وهنا هنا عرفنا وحبينا اللعبه الجميله كراش بنديكوت (Crash Bandicoot)

يلا الحين نروح على شي من جميل جدا بس في نفس الوقت صار في تخريب تتوقعون شنو يلا نزلوا شوي

 كراش سيارات (Crash Team Racing - CTR)

ايوا هذا اللي اقصده اهي بس مب مجرد سباق لا ابدا هنا اللي بسببها الاخوان يتهاوشون يا على من ياخذ كراش او واذا طالت السالفه يتوعد فيك داخل الميدان يا يستناك بصاروخ يقلبك في وسط الشارع  ولا اذا استخدم  الساعه يا ربي تحس تحسفت لانك ماعطيتها اللي يبي ولا يلحقك في في البوردقا ماتعرف البوردقا لا لا لحظه قولي تمزح ماتعرفها تعال اوريك من يكون البوردقا 

هاه عرفتوه هذا اللي اقصده

اما الان اسمحوا لي اوريكم شي رهيب شي اللي بسببه صارت التحدي اللي بسببه اتهز المكان اللي بسببها صارت الناس فيه راعين خطط وتكتيك واستشاري بعد هههههه يلا مستعدين 

الدوري الياباني(winning even 3)

هاه جاوبني وش حسيت فيه قول...حنيت ولا فز القلب 

هنا الطرب هنا التحدي هنا من المسيطر 

من اللي خلص الدوري وجاب كل الكؤوس والبطولات 

من هنا صوت المعلق يطرب من الحماس وخصوصا اذا جبت هدف قوووول

ولا عاد صوت الكوره وقت التمرير طج طج طج تقول الكوره فاشه يعني مب منفوخه نعم يا سادة انها العشق لدى محبي التحدي 

سؤال يا ساده يا كرام من طلع  كل البطولات والميداليات 

والان يا سادة يا كرام وش تتوقعون اني بتكلم عنه ايش وشو

كراش باش (Crash Bash)

الله الله على اللعبه تحدي بين الإخوان ماكو هنا ماتدري مين طقاقك فجأه في وسط الحماس تجيك نص طابوقه براسك او صندوق الأحمر يجيك براسك وانت تركض تبي تاكل التفاح وهو اصلا فاكهة الوامبا وانت تركض بسرعه ودايم الهواش والصراع موجود من ياخذ كراش او غير لا ذا لي لا انا ابي ذاك وهواش هنا يبي اللعب وكل واحد ناوي على الشر انه يطردك من الميدان اول واحد وهنا خلصنا من التحدي بين الاخوان والأصدقاء 

الان بتكلم عن لو بتلعب بروحك وفجأه يصيرون خصومك أعوذ بالله تحس انه بينك وبينهم شي طول اللعب يتوعدون فيك مافي ارحموني شوي ماكو طخ طخ بط  مافي الا تشطخ 

هاه اكمل ولا بس....يلا نكمل وش تتوقع الحين بندخل في اللي بسببه عرفنا كلمة حط رجلك وانحش 

 رزدنت ايفل (Resident Evil 3)

وش شعورك وانت تضغط على ابدا  start وتبدأ تلعب وتطلق على الزوامبي وانت ماخذ راحتك وعايش الجو وانت ماندري وش ينتظرك وتكمل طريقك مثل البطل ما ظل احد واقف في وجهك وتدخل مبنى ويطلع لك النميسس وانت تنجلط وتقول وش جابه وتلتحم معه وطخ طيخ وتنادي وأخير بعد معركه دايمه انت فرشته في الأرض وتظن انك خلاص فزت وتكمل طريقك وترقى الدرج ولا ننسى ذاك الصوت اللي عند التخزين هنا تظن انك في امان وتنزل من الدرج وفجأه يجيك النميسس والمره جايب هديه معه وماسكه بيده وانت تنجلط وتقول لاحوشك انحش اركض وتوصل الى غرفة الامان وتبي تخزن وفجأه تشوفه فاتح الباب وتقول اشفيه ذا...وهنا انت تعيش جو المغامره والرعب والاكشن اللي يصير 

لعبة داريفر ٢ (Driver 2)

من الاسم وش تذكرت؟

اوبا التفحيط الهجوله صح

لعبة درايفر كانت لعبة حماسية جدا وكنا مو بش نفحط لا كنا نبي الجزء هذا عشان شي واحد بس عشان ينزل من السياره ويروح الضرر وكنا نتشرط على اي سياره نبي ناخذها صج طلعنا راعين شر اللي في اللعبه ماشي في حاله وتجي بكل برود وتأخذ سيارته وتفحط فيها ومن زود الشر تروح تسقط على اللي جالسين في المطعم تبي تصدمهم هههههههه

ومو بس كذا من تشوف دوريه تروح تصدمها عن عمد عشان المتعه وتعشق القير يابوي وحيل تلفلف يمين يسار والدوريات وراك وراك وانت تبي صده عشان تنزل وتركب سياره ثانيه قبل ما تتلف بس هم وراك وراك واذا نجحت في الهرب منهم تنزل من السياره على طول وتبي سياره غيرها 

داينو كراسيس(Dino crisis)

من الجزء هذا انحبت لعبة داينو كراسيس 

بدايتها حماس مع الموسيقى والرسومات وبداية العيش الجو مع أصوات الديناصورات في هالجزء يطلع الديناصور وتبظء المعركه وانت مب فاهم وين تروح وين تجي وش بتسوي لان اللعبه كانت أكثرها يعني الالغاز ولا تقول في يوتيوب عشان تطلع الحلول مافي يا مجله او تستخدم المخ عاد ولا يصير المخ مجيم يعني مصدي تبدء تفكر وتحلل ههههه ومع اول لغز اذا فتحت الباب ويصير مشهد قصير يطلع ذاك الديناصور الكبير والي بعدين عرفنا اسمه 

T-Rex

يطالع فيك كانه يقولك هلا بالعشاء وانت تقول وش هالحالة هذه مكان صغير وتقول في  نفسك خلني اطلق عليه طخ طخ  طخ ويصرخ في وجهك كانه يقول قرب بس بجرب طعمك 

وبعد ما تخليه يمشي تكمل المغامره والحماس الف لكن يبتدي معك انك تحفظ كلمات عشان تفتح الابواب وتروح وتجيكل شي كان طبعا حماس وممتع

 الحين ننتقل الى الجزء الممتع

داينو كراسيس ٢(Dino crisis 2)

اخ على هاللعبه وش توصف فيها توصف من الرسومات والجرفكيس  ولا من الجو ولا من روح المغامره ذا الجزء كان أسهل من الجزء الأول لانه في اشياء تقدر تشتريها من دروع واسلحه والالغاز كان بسيطه ومب معقده

خلونا نتكلم عنها شوي 

لما تبدتي تعلب تحاول انك مايجيك ضرر عشان النقاط بس وانت منشغل في الطلق تشوف ذاك الديناصور اللي ماشي ١٢٠ وويشقلك الى ورى تقول وش ذا والمشكله النزيف اذا نزلت وقف وش لك أقرب كيسه اسعاف 

بس عندي سؤال الحين الديناصور لو طب على روجينا وبعدها اهي ترفسه على فمه طيب لو اهي كانت لابسه كعب عالي تتوقعون وش بيصير فيه الديناصور ههههههه اتوقع يهون مايهجم عليها ويقول اتوب هههههه يمه 

طبعا في الاصدار هذا كان جدا ممتع شيق رهيب حتى النهاية كانت ممتعه 

وهنا اقول شكرا على وقتكم واتمنى انه انتوا انبسطوا ولو شوي...هاه خلصت دلة الشاي ولا باقي